InnovArt 2024
Mañá xoves 18 ás 10:00 no Museo da Cidade da Cultura de Santiago de Compostela inaugúrase InnovArt, a mostra de ensinanzas artísticas, de idiomas e deportivas que se imparten na nosa comunidade e que está organizada pola Consellería de Cultura, Educación, Formación Profesional e Universidades.
A mostra desenvolverase durante as xornadas do xoves e do venres e contará coa participación de alumnado e profesorado do noso centro a través de obradoiros, clases abertas e diferentes actuacións.
InnovArt está destinada ao alumnado dos colexios e institutos da nosa comunidade que se desprazarán ao Gaiás para asistir ás diferentes actividades. Ao mesmo tempo, a mostra está destinada ao público en xeral que tamén poderá asistir e mesmo participar nas actividades.
