Grupos e horarios definitivos, curso 2025-2026
Poden consultarse, a través da plataforma CentrosNET e mais nos taboleiros do conservatorio, os grupos e horarios definitivos das materias colectivas e agrupacións correspondentes ao vindeiro curso 2025-2026.
Publícanse, así mesmo, e na mesma plataforma, os grupos e horarios das materias de Conxunto e Música de cámara.
Calquera incidencia acerca dos grupos e horarios deberá ser comunicada a través do correo electrónico dirixindo a mensaxe ao enderezo electrónico do centro cmus.lugo@edu.xunta.gal . Con carácter xeral, as referidas incidencias serán resoltas nos primeiros días do mes de setembro.
En canto ás solicitudes para asistir como oínte, estas poderán formalizarse no mes de setembro.
A elección de horarios individuais das materias de instrumento e mais Repentización e acompañamento na especialidade de Guitarra está prevista entre os días 9 e 10 de setembro, e o comezo efectivo da actividade lectiva o luns 15.
