Clausura do Curso de Iniciación
Hoxe luns 6 ás 17:00 no auditorio do conservatorio está previsto o acto de clausura do Curso de Iniciación deste ano académico 2023-2024.
Logo destes meses de actividade semanal de música e movemento e mais coñecendo as diferentes especialidades instrumentais, o curso despídese agardando que moitas das nenas e nenos participantes, así como as súas familias, desexen considerar ás ensinanzas elementais de música no noso centro como unha actividade formativa para o vindeiro curso 2024-2025.
A entrada ao acto é libre ata completar a cabida do auditorio.
Cómpre lembrar tamén que o prazo de inscrición á proba de acceso ao primeiro curso do grao elemental está aberto e estenderase ata o vindeiro 30 de maio.
